我一向都以為自己健康好好, 因為由細到大都無大病, 常做運動, 而體能亦比同齡或年紀細過自己嘅朋友都要好。三年前某日喉嚨痛, 睇醫生食藥止痛, 但一停藥又痛, 反複痛了兩星期, 最後一停藥, 連吞口水都不能, 頸陪整組肌肉會抽緊, 已心知不妙, 一定不是普通喉嚨痛, 係看病過程中亦問過醫生是否甲狀線問題, 我的家庭醫生覺得此機會很微, 因為如果痛得這樣嚴重, 甲狀線之徵狀應該好明顯, 例如體重爆跌, 心跳手震, 眼突及大頸泡等等, 但我任何一樣徵狀都無。但我不能這樣長期食藥吧, 所以我堅持入院做一次詳細檢查, 最好笑是主診醫生亦不覺得我有甲狀線問題, 係佢驗齊所有佢覺得有機會嘅病症, 例如什麼咽喉炎, 鰓腺炎………….等等後, 都無任何發現時, 我堅持驗埋甲狀線, 結果中獎。
我嘅病症好奇怪, 與一般甲狀線病例不同, 喉嚨位置內有很多小瘤, 而不可是一大個泡, 家庭醫生覺得不正常, 他懷疑是癌症, 晴天霹靂 !!!!! 唔係嘛, 唔好玩我啦, 死唔緊要喎, 係人都會死一次架啦, 點解要我受折磨, 死得咁痛苦呀。家庭醫生立即轉介我給一個甲狀線專科醫生, 抽組織化驗, 但專科醫生好輕描淡寫咁話佢覺得我只係一般炎症, 先食一個月藥吧, 結果一個月後D小瘤不見了, 但因為甲狀線激素依然高, 需繼續食一年藥, 一年後是否可停藥是因人而異, 有些人一停藥便復發, 要一世食藥, 我是好彩嘅一個。
朋友當中, 好很多很年青都普遍有病, 唔係血壓高, 就係糖尿病, 亦有好多生癌或生良性瘤, 健健康康嘅少之又少。我自己更加唔明點解會突然其來有呢個病, 因為完全無任何跡象, 家庭醫生用咗一個好好嘅比喻解釋我聽, 身體就好似工廠咁, 每日不停生產, 當運作咗幾十年後, 佢會有時失平衡, 有D野佢會生產多D, 有D野佢又可能生產少咗, 當內分泌失調時, 便影響機能正常運作, 換句話講, 即係年紀大, 機器壞囉。 曾經有個同事同我講, 大陪份人都係年青時用健康換財富, 而年老時側用財富換健康, 原來好多野都唔係必然, 身體可以無聲無息地突然失控, 請珍惜及保養你健康嘅身體吧。
