個人修養及禮貌, 除咗家教外, 相信有好大部份係在學校或出來社會做事, 與人相處中學到的, 點樣與人相處得好, 就要自覺性高。
有一位同事, 性格大情大性, 在公司與其它同事甚相處得來, 但每次出差, 都會被同房同事投訴, 例如自私, 無公德心, 不理他人感受…………….. 等等, 正正反映出相見好, 同住難。同事們講出之問題, 其實都係一些少事, 但覺得非常茲擾, 例如將電視聲浪開得太大, 另同事無法專注自己事務, 不論關房門或厠所門都震耳欲聾, 沖涼將浴室弄至滿地濕又不清理, 早上去厠所辦公時間太, 而沒預留時間給對方, 晚晚看電視至深夜並沒理會同房是否已睡 , 在房內食零食時D錫紙袋或膠袋不斷制造燥音, 食飯永不主動埋單、永不分擔一切公務如叫的士、check in、check out、買早餐等等, 數之不盡。
我比較好彩, 只與她相遇出差過一次, 是分開先後到達目的地, 因需用相同展銷樣辦, 她於我到達後交辦給我便可回港, 所以只與她相處過一晚, 証明同事講嘅都係真嘅, 但因為此人之自覺性非常低, 要等到佢自知, 相信其它同事已受盡折磨, 因不是同組同事, 我亦不是她直屬上司, 回港後我找她上司談過此問題, 聽同事講需沒完全改變, 但有明顯改善。
以上事令我想起早前曾經係一個blog內看到一段文章, 關於兩夫婦於婚後為荷包蛋吵嘴吵足5年, 原因是自己家裡的荷包蛋與對方不一樣, 老婆唔食老公煎嘅, 老公亦唔滿意老婆做的, 吵吵鬧鬧5年之久, 雖然覺得好笑, 但我信係真, 下面係另一真實例子。
其中一位好友, 婚後2年都與老公為咗支牙膏閙交, 原因係老婆吱牙膏係隨意吱, 但老公就一定由最底吱起, 最終解決方法係各人各用自己支牙膏, 你鍾意點吱就點吱。
事實習慣係好難改, 不論好與壞, 所以人與人之間嘅相處, 除咗體量與包容, 仲需要互相遷就。
