好多人鍾意將劉德華與梁潮偉相比, 其實我就覺得根本唔需要比, 亦都無得比。
梁潮偉係天生演員, 又係4號仔, 感受, 感覺, 感情係佢天賦本錢 ,佢演戲咁本唔需要用力, 輕而易舉, 所以攞獎與表現出色有關, 與運氣無關。劉德華非常勤奮, 係3號仔, 只要佢想做無野難到佢, 例如唱歌和跳舞就係一個好例子, 完全無天份嘅野, 佢都可以練到有板有眼, 相信佢一定下過不少工夫, 但都唔可以叫好, 演戲一樣, 攞唔到好似梁潮偉咁多獎, 係與表現有關, 與運氣無關。
好多人為華仔攞獎少而為佢不值, 而我只會為劉青雲不值, 因為佢真正表現好但欠運氣, 呢樣我諗好多鍾意睇戲嘅朋友都會認同, 而佢令我欣賞嘅係無為攞獎而拍戲, 最終舊年佢攞咗獎, 有實力無運氣只可能令你條路行遠咗, 但唔會行唔到目的地。
