黃毓民係立法會鬧任志剛態度傲慢, 我認同, 任志剛一向嘅表現都好似香港無咗佢唔得, 又或者無人做得好過佢, 但講到態度黃毓民都要檢討自己, 見到佢掟蕉, 真擔心香港會步台灣後塵, 淪為笑柄, 剛剛於中午看新聞, 到台南演講之張銘清被示威者推例, 真是令中國人掉臉。
黃毓民與長毛唔同, 學識好, 有胆色外, 重有一針見血嘅詞令, 立法會絕對需要有咁樣嘅人為市民喉舌。 香港嘅官一向厚面皮唔怕人鬧, 用正常途徑向佢地質詢, 簡直廢時失事, 有黃毓民直斥其非, 大快人心, 但任總亦不愧為高人, 對黃毓民嘅指責不作回應, 遇著呢類軟皮蛇, 毓民再激都無用。
係人都知鬥嘴一定唔夠毓民嚟, 點回應都死, 但如果毓民可以用無咁激嘅熊度, 佢地可能會放胆回應, 人要面樹要皮嘛, 就當比個機會佢地解釋, 當然我地要聽嘅唔係解釋, 但呢個磨練會令佢地知道佢地嘅責任, 亦另佢地要知道新一屆立法會已經唔同咗。
係另一個角度睇, 香港嘅官係自己攞嚟衰, 唔鬧唔做, 有D鬧都唔做, 最重要係有D根本無能力做, 佢盡全力又點吖? 曾生任人嘅大前題係愛國家愛香港, 而唔係睇呢個人嘅能力, 愛國家愛香港嘅香港人好多, 但未必愛共產黨嘛。搵個跑馬拉松嘅去跑一百米, 唔係個跑手唔得, 只係放錯位置, 連選角都錯, 係邊個唔得好明顯啦 , 好多人成日話英國佬點衰點衰, 係管治方面, 香港人有排都追唔上。
睇毓民就好似睇黑色喜劇, 笑中有淚, 點都好睇過悲劇, 起碼可以用輕鬆嘅心情嚟睇D苦事。
