廣告

收到某花藝學院之廣告電郵, 付上一堆近期新聞剪報, 全部都係關於香港有零售業倒閉, 清盤, 廠商執笠, 工人失業, 裁員………….等等。廣告目的係叫人盡快學一技傍身, 自資開鋪或打工都好有前境, 內容如下:

1. 每年超過4萬人結婚 — 婚禮報置及結婚花球絕不能有代替品！
2. 地產商減租 — 刺激市道，開張花籃需求增加
3. 每天無數人生日 — 生日花束首選
4. 每天都有BB出生 — 嬰兒花籃花束不可少
5. 每天總有人離世 — 帛事花籃及靈堂佈置必有需求
6. 每年大節如新年、情人節、母親節等 — 鮮花需求必會激增！
7. 每年舉辦大型花卉展覽 — 刺激花藝產品及插花課程需求

花是奢侈品, 係經濟不景時, 會有幾多人願意花錢係奢侈品上面呢, 唔好講買花, 就算明明想結婚或生仔都立即暫停啦, 留翻D錢慢慢用嘛。 生日及節日都寧願用錢去食都唔會花錢買花。 不過第五點講得好啱, 每日都有人離世, 可能會激增添, 例如燒碳, 跳樓等等。如果真係做生意最好做必須品, 食物係唔可以唔食嘅, 經濟差只可能食少D或食差D, 當然食物種類繁多, 要小心選擇。