松仔園

已經有二個多月無行山, 唔係天氣唔好, 就係唔得閑。已步入秋天, 早晚都有風, 好舒服, 中午有太陽但唔會太熱, 最鍾意咁樣嘅天氣, 燒野食最好, 行山更加一流。

好耐無痛嘅左腳, 近日可能因為做負重蹲腿太多, 有少許痛, 所以今日帶備護膝 。中午飯後才起行, 時間唔多, 而且步入秋天6點已天黑, 唔敢行太長, 最終選咗呢大埔自然教育徑裹面其中一段, 黃, 啡, 藍, 紅路之紅路, 好易行。