Lane Crawford 同 City Super, 呢兩間舖係賣唔同類形嘅物品, 基本上唔可以將佢地相比。
我今次係想講呢兩間舖嘅Gift card, 近年唔知係Lane Crawford嘅鞋款差咗, 定係我太老並且與潮流脫節, 佢D鞋已經唔啱我., 衫我就一向都買唔起, 但依然好鍾意佢D手飾。City Super 有太多美食, 我多數在那裡買新鮮seafood及鵝肝。如果有得比我選擇, 我會選City Super嘅 Gift card多過 Lane Crawford。
好友每年都會收到老板和上司送給她的聖誕禮物, 舊年係 Lane Crawford 嘅 Gift card, 老板果份係二萬, 上司果份都幾仟, 但佢反而為咗點用而煩惱, 因為Lane Crawford無野啱佢, 唔係錢嘅問題, 係款式嘅問題。今年來聖誕就快到啦, 如果佢又係收到呢張 gift card, 就真係搞笑啦, 舊嘅都未使, 新嘅又嚟。
我一向做人情都覺得做cash係最好, 因為無任何限制又實際, 對方鍾意點用都得, 除非對方講比我聽佢想要什麼禮物, 否則我一定送現金, 雖然好無心思, 但其實又有幾多人會真心講比你知佢幾唔鍾意你送比佢件禮物呀。與其每年聖誕都交換"廢"物, 點解唔環保D, 小D制造垃圾呢 。
