旅行

我媽是二十四孝媽媽, 自己唔捨得使, 唔捨得食, 留最好比哂D仔女, 仔女用嘅, 食嘅, 幾貴都得。 媽自小母親離世, 父另娶, 只有一兄, 年紀相距甚遠, 足二十年, 無依靠下十八歲便嫁人, 嫁得不好, 捱苦大半生, 身體多病, 但從不怨天由人。

我每次叫佢去旅行, 佢都會覺得係浪費。今年金融海嘯, 佢連過年嘅年花都唔比我買。昨天與她行街時, 她對我說青島好靚, 我說會抽空與她去青島旅行, 她一口答應了, 感覺好特別, 有說不出的奇怪。

Treat your own back

在車上開始看F先生借比我嘅書, 我看圖多於字, 發現有好多動作與Yoga相同, 例如蛇式, 猫式側改用坐著做。書內有健議於腰位加咕o臣坐, 頂住腰部改善坐姿, 我就覺得呢張椅不錯, 因需靠自己腰力坐正, 久而久之, 坐姿一定有改善, 但我係香港搵唔到。 另外呢張有好幾位同事用過, 話好正, HK$6000一張。

再談 Cherry

今日shopping 完畢, 回家時又想起車厘子, 老遠地再跑去上次買勁靚車厘子的鋪頭, 可惜是貴了很多之外, 重要係唔靚。好彩佢有幾盒澳洲 Tasmanian 出的盒裝車厘子, HK$320, 2 KGS, 老板娘認得我, 賣HK$280給我。回家後細看盒面貼紙, 有註明Size:28-30mm, 我用尺度下果然有3cm, 可惜味道依然不及上次好, 真的可遇不可求。

Tea Time

與F先生飲下午茶, F先生比我嘅印象係沉默寡言, 估唔到佢好健談, 可能係職業所需或訓練有數。上次見F先生係去年四月, 未夠一年, 今日見佢多咗好多白髮, 做乜野咁多煩惱呀 ? 多謝佢借書比我睇, 及與我暢談個半小時, 感覺非常愉快。

Hea - part 3

今日在繼續Hea之前, 先去復疹, 睇超聲波結果, so far so good。

約咗F先生 下下午3:00 high tea, 趁有少許空檔, 去銅鑼灣Lane Crawford 睇鞋, 其實前日已係IFC-Lane Crawford 睇過, 搵唔到我要嘅野, 點知今日比我搵到早前看中而又無買之便服鞋, 大減價但斷碼, 只好著對厚襪買大半號, 原價HK$3700, 現賣HK$1900, 另外再看中一對婆仔軟皮鞋, 原價HK$1450, 現賣HK$440, 買兩對再有9折。原本用2000蚊只可買一隻鞋, 無錯係一隻,唔係一對, 而家可買四隻, 邊個話正月唔好買鞋 ?

我一向買鞋有上限, 一般是2000, 上限是3000, 所以點解睇中都唔買, 咪因為過咗上限囉。我著野只會 a little touch of fashion, 唔會太in, 買親都係襟興款及顏色, 所以季尾先買都無問題。

又飲又食

今日係IFC有留此店, 當時未開門, 由樓下望上去, 見到有很多坐位於欄河邊, 好靚感覺好舒服, 不過可惜佢食物唔吸引, 試過一次已無想過再試, 睇完"南方舞廳"呢段文,更加無意欲。反而想試呢間, 坐位闊, 空間大, 唔似樓下果兩間SB及PC咁迫, 而且我對意大利咖啡信心大D。

正斗(國金)粥麵

此店開11:30am, 未開門已排哂長龍, 好誇張, 好在我等佢開門只等了15分鐘, 未到12:00pm已坐無虛席。我因為要避開中環中午飯人潮, 一定要於12:30pm前離開中環, 而最重要係要在今日作最後衝次, 希望係大姐夫上機前, 幫家姐買到佢想要嘅褸, 好趕所以食得好快, 真係難為阿媽。

今日試咗雲吞, 干抄牛河(媽媽至愛), 猪膶腸粉, 油菜及熱豆槳。我個人比較喜歡佢個豆槳, 其它平平無奇, 腸粉雖然好薄好滑, 但世豉油超甜。 如果將佢同“何洪記”及“羅富記”比, 我覺得“正斗”只係裝修及格局上勝一籌, 可能呢個都係佢攞米芝蓮推介嘅原因, 我自己鍾意"羅富記”多D。

Hea – Part 2

想再hea之前, 無可奈何地需係有限假期裹面抽一日做正經事, 訓唔夠5個鍾, 眼都未睜得開就一早起身去中環律師樓簽一D已經hold咗好耐嘅文件(冇睜開眼就簽咗啦)。帶阿媽去食米芝蓮推介嘅 “正斗粥麵” 之前, 先去City supper買餸, 阿媽順便係無咁迫人嘅日子帶我上IFC平台, 睇吓果靚view, 估唔到阿媽咁叻, 唔講都唔知, 原來平時佢有同D friend 出去wet。

Dinner out

因為忙, 與好友K小姐好耐無見, 但 K 小姐每年都一定記得我生日, 今年都唔例外, 今晚晚飯地點係 K 小姐選的, 係尖沙咀, 食物一般,煮工唔錯, 但與價錢有D唔成正比, 奇怪K小姐對食要求咁高都會常來此店, 不解。

The curious case of Benjamin Button

睇戲曾經是我第一選擇之娛樂節目, 我可以每個星期日一早起身一個人去睇早場。近來已好久沒有睇戲, 因該有一年吧, 點解 ? 唔知 ! 沒有什麼特別好看之電影是原因之一, 有空寧願多見樹木少見人會是原因之二掛。

大節日之電影多數是爛片, 每年一樣, 今個假期只有一套可以選得落手的就是"奇幻逆緣"。 今日抽空看此片, 片長差不多三小時, 但沒有悶場, 我唔覺得此片拍得特別出色是因為故事本身太超現實, 但總算拍得唔錯, 而最吸引我及令我感動之戲份並不在佔戲份最多之男主角身上, 反而只佔戲份比較少, 做男女主角的女兒, 與女主角臨終之一翻對話, 女兒從爸爸之日記中的記載去認識自己爸爸及發現自己身份。

Hea - Part I

過節前有過節前夕恐懼症, 唔敢出街, 但平日又忙, 所以最鍾意係人地返工的日子我放假, 可惜我假期已無多, 前五天已用於忙家務及倍家人用完,今日才是我真正開始 hea 之第一日, 但還有照超聲波, 復疹, 上律師樓, 去銀行.............點夠用呢 ?唔好理咁多, 今日首先去shopping, 睇戲, 行街, 再 dinner out, 正。

型

我選咗呢條型爆牛仔褲,果然合姨生心水, 正。

阿媽愛茶煲

我買比阿媽嘅飯煲係12人用之大飯煲, 以便一家人一齊食飯。我一星期只有一兩餐在家裹吃, 媽用大飯煲好難煮一個人份量之飯, 所以家姐買咗個兩人份量小飯煲給媽, 好小形及可愛, 可惜不耐用, 不到一年便壞了。昨天阿嫂買了一個三人份量的小飯煲給媽, 亦非常可愛, 只是媽之記性已大不如前, 每次都要重新再學所有工能及工能掣, 有點吃力, 好在她很聰明, 不需人教, 自己看說明書已可。

媽媽對煲好有興趣, 我家雖住兩人, 但家中大大小小及不同種類的煲有20個之多, 反正媽沒特別嗜好, 由她買吧。

卡拉OK

一向假期都好少在家, 今天很早回家, 又聽到樓下那對夫婦在唱卡拉OK , 才記起此家人非常熱愛卡拉OK, 每逢假期都唱, 今日留意聽下, 發現這十五年來, 原來都係唱緊果幾隻歌, 點解可以唔厭嘅。

燒烤

陰天, 極寒冷
以為天氣冷些, 燒烤會舒服一些, 所以約好家人與大姐夫之弟弟及其姪女去燒烤。 點知今日凍到震, 仲落雨, 最憎濕凍的天氣, 離開燒烤爐, 需立即跳上車開暖氣, 否則凍僵, 好在媽媽穿了羽絨,。家姐同姐夫非常好耐力, 由一點燒至六點, 太陽下山才肯走。燒烤場有好多大肥猫, 唔怕人, 你比什麼它都照食。

生日禮物

今年生日係年初一, 收到之大部份禮物無乜驚喜, 除咗收到一個大銀包, 興我自己用緊果個係同系列, 可以一set 咁用。

我生日果日最辛苦當然係阿媽, 所以我買咗“頸肩鬆”比阿媽, 希望減輕佢嘅腰痛, 可以訓得好D。自己買比自己嘅禮物係想咗好耐,搵咗好耐嘅行山鞋, 唔係我要求高, 只係所有行山鞋都其醜無比, 越舒服就越醜, 所以一直都買唔落手, 但舊鞋已老化, 我買咗呢對新鞋好舒服, 咁當然係勁醜啦。

團年飯

其實放假仲累過返工, 由早忙到晚為乜, 只為一餐飯, 飯後還要大清潔, 體力勞動利好過做3小時運動。

One of my favorite fruit

車厘子係我最喜愛生果之一, 但好難買到靚嘅車厘子, 好友R 小姐曾經於九龍城某生果店特別訂過HKS400元一合的給我食, 但我不覺得特別好食, 更覺不值。今日無意中見到好大粒, 大過個一蚊銀, 好甜, 深紫色, 唔貴, 為食無計, 買咗5磅, 攞到手跛。

I Love Coca-cola

自小鍾意可樂, 每日都飲, 大了之後, 介了, 只間中飲 Zero。今日無意比我發現咗呢個超可愛又肥又婑嘅可樂樽, 立即買咗佢。

添煩添亂

又有好友被栽員, 朋友有親人離世, 大姐夫媽媽亦剛走了, 剛剛才三個月前回港之大姐夫又要回來, 當然又係住我家啦。

下屬唔生性, 錯漏百出、 遲到早退 、 擴工、 咋病、 不停請假。其它組同事被裁後又係我跟埋佢D客, 而其餘部門重係用緊跑馬拉松速度去倍我跑一百米, 唔好玩我啦。

自己有好多野都無時間做,例如復診。 媽媽係比較傳統, 好重視過年, 而佢年紀漸大, 有好多野我已經唔比佢做, 所以我要自己做哂, 例如今年團年飯, 我要煮12人飯, 真係迫得有氣無地透, 重要抽兩三日年假倍家人玩, 安排節目行程等等………………, 家族特性個個都係希冶國-緊張大師, 而且仲加上係Adam’s family (愛登氏家庭), 姪仔姪女及姨生個個都係醃尖大少, 姨生仲要指明 D牛仔褲款唔係我幫佢選就叫大姐夫唔使買比佢, 明係玩我啦, 好在有十日假啫。

misocool

據聞此店是 Dragon -I 同一集團, 想唔到佢會走低下價市場, 可惜食物質數唔得,平都無用, 可能係針對係對面嘅 one island east 的 OL 掛。

大潭

公私兩忙, 忙到想死, 再唔 take 個 break, 真係會死。今天抽小許時間行鰂魚湧- 大潭- 康怡花園, 選呢段路係因為約咗A小姐係太古城食飯, 中段重可去吉之島幫阿媽買野, 但入去後發現人多到爆, 更加想死。

越南菜

今晚約了 K先生與 R小姐一起食飯, 選了大坑火車頭, 雖然知道早前班已另起爐灶, 但試後仍覺得很不錯,尤其是啤酒焗蟹。另外好喜歡此店樓底高。