無公德心

Mickey Rourke

曾幾何時, 迷到不少女仕。80年代好戲之人, 聽說後來去了打拳, 以為不會再看到他演戲, 今天有幸見到他又再演戲, 雖然因迷上整容而面目全非, 希望演技還在, 影帝呼聲咁高, 應該唔會失望掛。

Cream cake

近日簡直受盡折磨, 點做D野都係做唔完, 重有D廢柴阻住地球轉, 日日開會講廢話, 我嘅忍受能力已到極點, 因為要做客, 忍埋今日, 明天開片。

今日做完客, 出奇咁早8:30pm, 經過Italian tomato, 化悲憤為食欲, 食我最鍾意cake set, 咁好食, 一定要買件比阿媽食。

花蟹

R小姐帶我食又平又靚之好食凍花蟹, 地方雖然差, 但海鮮好新鮮,隻蟹非常鮮甜, 可能自己在街市買到咁大嘅蟹, 大我從來買不到這樣甜。 我仲打包咗一隻凍花蟹給阿媽, 隻蟹大到最大嘅飯盒都裝唔哂都只係260, 如果係九龍城食, 起碼要600。

賞花

春天到, 潮濕天氣行山比天氣熱更辛苦, 上次行山見到吊鍾花開, 雖然唔多但好靚。 下月應該會有更多花開, 如果天氣熱, 木棉都會開, 行山賞花一樂也。

單身中女

情人節後發現好多blog及文章都寫情人節, 多數都說唔介意獨自過???唔介意嘅人唔會特別寫自己唔介意啦,係咪有D此地無銀呢 ? 好欣賞果D坦白講自己點樣想盡辦法另自己係呢個唔鍾意嘅日子裏過得舒服D。

今日睇明週,又係講單身中女, 共訪問四位女性, 其中一位係老少女Stella So, 我亦比較鍾意此頁 "單身而Juicy", 其實你睇佢家就知佢真係有一個童心, 所以我相信佢真係可以單身而juicy。係相裏面發現Stella坐著果張椅係我好鍾意嘅 kneeling chair添。

健康食品

阿蘇話好食嘅野一定唔健康, 我認同, 所以什麼五穀米, 十穀飯都咪搞我, 何況我除咗意大利飯之外, 無乜飯癮。

工作常常食野不停時或無時間食, 甚至唔想食, 餅干是櫃內必備小食。健康又好味之餅干真不多, 平日食來食去都果幾隻, 好厭。今日見到此五榖餅干,寫日文, 唔知寫乜, 但是因為日本出, 信心大D, 果然味道唔差。

Bad weather

最愛

梁朝偉係天生演員, 演戲從來不需用任何氣力。他是我的致愛的演員之一, 頭號個隻, 而無間道內之造型亦是我最鍾意, 正爆。

今日無意中聽到無間道主題曲, 從來都不知是由劉德華與梁朝偉合唱, 上youtube再細聽,當然唱工是劉德華比較好, 但論聲底,側未必, 其實分別在於四號仔與三號仔之個人取向, 三號仔目標為本, 沒什麼是不可能, 四號仔以感受為主, 愛做才做, 不會免强自己。

執手尾

執手尾永遠是最痛苦, 有些簡單事, 其實自己重新做過可能仲快仲正, 平時只會用嘔血來形容, 今日要用噴血先至夠貼切, 今晚要清理現場先可收工, 血漬班班, 陰工。

愛回家

好耐未試過7:00pm 可以放工, 仲食到阿媽煮嘅飯。今日因出席酒會, 除可早回家重可於路途中無聊時亂拍照。酒會中又覺無聊時, 亦無理會老板都在, 拿出相機拍吓海景先。

美味海胆

今日去酒會前有少許時間, 去咗City Super買一向好鍾意食之加拿大海胆, 非常美味, 唯一不滿是它裝假狗, 面層大大件, 下層細細隻。

了解, 接受與包容

又係果句, 可用理智控制的就不會是感情啦 ! 就算互相了解, 並不代表會接受對方, 尤其是缺點 。不論你幾愛對方, 盡管你感性上愛得不能分, 若在理性上相處如受刑, 還真的能愛屋及烏? 在現今社會, 每個人之自我價值咁高, 相信肯花時間、精神為對方付出及改變的, 少之又少。

接受對方, 亦並不代表會包容 , 因人係自私的, 永遠都希望對方有日終會為自己改變。嫁之前已很清楚問題所在, 但還是選擇嫁是因為有妄想症, 有些人會於夢醒後選擇分開, 有些人會為某種原因選擇忍受, 當忍到不能忍的時候, 最終可能悲劇收場。

包容係需兩人同時付出好大努力, 想辦法去適應、調節及改善大家係相處上的問題。為了解而分開是廢話, 自私及不肯付出才是真兇。

反口

當我收集緊資料及諗緊幾時攞假同阿媽去旅行嘅時候, 真的比我估中, 今日阿媽又反口話唔去啦, 話腳痛喎, 我都話架啦, 佢邊肯使錢係自己身上呀。更壞消息係佢自己簽咗紙做一個小手術, 今日先同我講, 我只怪自己對佢關心唔夠囉。

Pumpernickel vs Segafredo

今日原本去 Pumpernickel, 但去到門口, 望到D麵包種類唔多, 好失望, 轉戰Segafredo, 今日依然無我的至愛cake, 唯有選了Strawberry cream cake, 但佢每次D cake 都有新意, 雖然今日嘅cake唔係我口味果隻, 但味道好特別, 佢甜得嚟有種練奶嘅甜味。

精靈

阿媽係香港出世, 香港讀書, 雖然只讀到小學程度, 但佢好聰明,好精靈 近年仲去老人中心學英文。近日買比佢嘅煮食爐, 佢看圖識字, 唔使教已識用, 但估唔到阿嫂買比佢果個電飯煲仔玩起佢, 因工能制太多, 今晚要幫佢上堂, 做操作示範。

長情

朋友四眼仔與其老婆其實已經分開好耐, 只係四眼仔不肯面對現實離婚, 但最近知佢係去年年尾已真的離婚了, 我絕對相信佢只係想滿足佢老婆要求才這樣決定。星期一收到四眼仔電話要求我幫佢朋友搵工, 原來係佢前妻, 佢重係非常關心同緊張佢老婆嘅一切, 真係情深, 我有咁多朋友被裁, 真係唔知幫得邊個。其實我知四眼仔一直都有好多女仔鍾意佢, 有D甚至知佢有老婆都唔介意, 當時佢未離婚, 我無勸佢離婚, 但有問過佢會唔會認真考慮現實環境為自己想想, 佢話已經同果D女仔講清楚佢不會考慮, 証明佢真係好愛佢老婆囉, 可惜世事往往事與願違。

環保 ?

用環保碳但沒有處理垃圾 ? 點環保 ?

西灣亭-赤徑

沿途風景很美,易行, 途經萬宜水庫, 西灣, 大浪灣, 咸田灣, 約行4小時。