朋友四眼仔與其老婆其實已經分開好耐, 只係四眼仔不肯面對現實離婚, 但最近知佢係去年年尾已真的離婚了, 我絕對相信佢只係想滿足佢老婆要求才這樣決定。星期一收到四眼仔電話要求我幫佢朋友搵工, 原來係佢前妻, 佢重係非常關心同緊張佢老婆嘅一切, 真係情深, 我有咁多朋友被裁, 真係唔知幫得邊個。其實我知四眼仔一直都有好多女仔鍾意佢, 有D甚至知佢有老婆都唔介意, 當時佢未離婚, 我無勸佢離婚, 但有問過佢會唔會認真考慮現實環境為自己想想, 佢話已經同果D女仔講清楚佢不會考慮, 証明佢真係好愛佢老婆囉, 可惜世事往往事與願違。
